Kryetari i opozitës, Lulzim Basha është prononcuar nga ambientet e organizimit të Ambasadës Amerikane në Shqipëri, për Presidentin e ri, Donald Trump.
“Ndodhem këtu që përmes ambasadorit Lu, ti përcjell urimet më të përzemërta presidentit të ri të SHBA, Donald Trump. Flas në emër të opozitës shqiptare, por edhe të çdo demokrati në vend”- është shprehur ai.
Basha i ka cilësuar zgjedhjet në Amerikë si një mësim i çmuar për demokracinë botëror.
“Populli i Amerikës i dha një mësim botës që vullneti i qytetarëve triumfon”.
Ai është ndalur pak edhe në krahasim me demokracinë e vendit tonë, duke vlerësuar këtë proces të shkëlqyer demokratik.
“Muajt e ardhshëm do të shërbejnë për forcimin e marrëdhënieve me vendin tonë.”- ka përfunduar Basha.
