Kreu i opozitës Lulzim Basha i është përgjigjur edhe pyetjes nëse do të kalojë në vjeshtë Reforma në Drejtësi.
Basha thotë se është skeptik për këtë, pasi Edi Rama nuk e kalon dot pa PD, por pavarësisht kësaj, sipas Bashës, ai refuzon ta hapë dialogun politik me PD sepse nuk e do reformën
“Rama ka një ves që mundohet të impersionojë fillimisht me pikturat dhe pastaj me premtimet. Edhe me Merkelin tha që në vjeshtë do të kalojë reforma. Unë jam pozitivist si natyre dhe nëse do të ishte në dorën time dhe PD nuk do të kishte asnjë pengesë për të miratuar pa vonesë me kusht që të mos kapet nga politika dhe të reformojë gjyqësorin dhe prokurorinë. Por unë jam skeptik sepse ai nuk e kalon dot pa PD dhe ai refuzon të hapë dialogun politik me PD për reformën në drejtësi dhe kjo më shtyn të mendoj që nuk e do reformën”, tha Basha në Top Story.
