Kreu i opozitës Lulzim Basha ka dalë në një deklaratë për mediat pas takimit me eurodeputetët Kukan dhe Fleckenstein, duke pohuar se foli me ta për çshtjen e drejtësisë dhe atë të zgjedhjeve.
Sipas Bashës, drejtësia duhet të jetë në frymën e konsensusit ndërsa për zgjedhje të lira duhet vullnet politik.
Basha tha se “jo vetëm që krimi nuk po ndalet nga krimi, por Edi Rama po i armatos me pushtet financiar, me leje të paligjshme ndërtimi kriminelët. Lidhja krim-para-pushtet vazhdon të mbetet shumë e fuqishme te Edi Rama”.
“Shqipëria nuk mund të bëjë asnjë hap përpara pa iu rikthyer zgjedhjeve të 2013, të cilat edhe vetë Kukan i cilësoi si të dështuara”, përfundoi kreu i opozitës.
I pyetur nëse do të ketë dialog me qeverinë, Basha u përgjigj se “dikush tjetër duhet të shtyhet drejt dialogut, jo unë”, duke ripohuar se qeveria nuk i është përgjigjur ftesës së opozitës për dialog.//a.h
