Kryetari i Partisë Demokratike Lulzim Basha ka zhvilluar ditën e sotme një takim me qytetarët e Elbasanit.
Basha është shprehur se të gjithë qytetarët ti bashkohen opozitës ditën e diel në Tiranë.
Kryedemokrati tha se nuk do të ketë zgjidhje politike pa largimin e kryeministrit Edi Rama.
Ai tha se qeveria “Rama” ka vjedhur taksat e popullit përmes 216 kontrata sekrete, ku përfshihen miliona euro.
“Kryetari i PD-së Lulzim Basha nga Elbasani ka refuzuar sërish ftesën e kryeministrit Edi Rama për dialog. “Mirënjohje për këtë mesazh të vendosur që ushton nga zemra gjeografike e Shqipërisë, nga Elbasani, që ushton nga qytetarët, nga të rinjtë dhe të rejat. Nuk kam mesazh më të qartë se ky, betejës së shqiptarëve për liri, sa vijnë edhe u shtohen radhët, cdo ditë e bën më të madh bashkimin tonë, se nuk ka zgjidhje politike pa largimin e Edi Ramës dhe bandës që ka marrë peng vendin.
Dhe se në funksion të kësaj shqiptarët e bashkuar kanë vendosur gjithcka, shpirtin dhe vullnetin, nuk ka asnjë nuk mund të ketë as liri, as zgjedhje të lira, as shporrje të bandës kriminale pa larguar shkaktarin numër një të kësaj krize, njeriun që bëri projektin e Shqipërisë hambar droge. Tani bëhet gati që ta kthejë Shqipërinë në monizëm për të çimentuar pushtetin, por ne nuk do ta pranojmë këtë. Korrupsioni i takon vetëm një partie, por aferat nuk kanë marrë kurrë më parë këto përmasa shtazarake. 216 kontrata sekrete, qindra milionë euro që ua marrin ju, ua heqin nga goja. Kjo bandë ka vjedhur 4.6 mld euro, sa gjithë buxheti dhe shpenzimet. A mbaroi rruga e Elbasanit? E nisëm atë rrugë, e shpuam tunelin, por a ka avancuar rruga? Asnjë metër!
A ka investime dhe rritje rrogash, apo legalizime falas? Sigurisht që jo! Në Elbasan banditët e goditën policinë dhe asnjë gjë nuk u ndodhi. Betejës do i prijmë deri në fitore. Është ngritur bota mbarë dhe e ka dëgjuar apelin e një populli të bashkuar si rrallë ndonjëherë, është çuar bota në këmbë dhe i thotë mos u ngjit pas karriges, largohu! Është dëgjuar zëri i shqiptarëve në cdo cep të botës dhe tani të gjithë e dinë se kjo është betejë për vlerat e perëndimit.
Nuk ka vlera europiane pa zgjedhje të lira dhe pa cuar para drejtësisë politikanët e kapur duke vjedhur bota. Rama erdhi në pushtet me krimin. Këtu në Elbasan krimi diktoi mandatet e krimit, nuk janë deputetë të Elbasanit por të bandave të drogës. Nuk e njohim cdo akt të atij parlamenti dhe do ta zhbëjmë. Nuk i i njohim aktet e një parlamenti kukull të krimit. Edhe kjo që po bëjnë për ligjin për Akademinë e Shkencave është diktaturë, duan t’u mbyllin gojën intelektualëve” tha Basha./ Opinion.al E.Xh.
