Lulzim Basha nga Fieri ka përsëritur se nuk do të ketë zgjedhje pa opozitën. “Edi Rama dhe banda e tij e dinë fare mirë se zgjedhje palo-zgjedhje, zgjedhje fallco pa opozitën nuk ka për të pasur”, u shpreh ai.
Basha ka thënë se PD është rritur në sondazhe, duke qenë forca e parë në vend. “Kjo është arsyeja se pse të gjitha matjet dhe studimet e opinionit publik tregojnë sot, se ne, jo vetëm jemi forca e parë politike në vend, por gëzojmë besimin e shqiptarëve, jo thjesht dhe vetëm për të kaluar këtë krizë, por për t’iu përgjigjur kësaj krize me një transformim kaq të thellë politik dhe ekonomik”, deklaroi Basha.
Për ta ndryshuar sa më shpejt këtë realitet, kryetari i Partisë Demokratike tha se bashkimi me protestën e 13 Prillit është vendimi i duhur për çdo qytetar që e do Shqipërinë si gjithë Europa./Opinion.al
