Pas largimit nga Lezha, ku pati një takim me biznesin e vogël, kryetari i Partisë Demokratike, Lulzim Basha, ka ndaluar në mesditë në qytetin e Laçit.
Edhe këtu Basha u ka bërë thirrje të pranishmëve të të jenë prezent më 16 shkurt në protestën e madhe të opozitës që do të mbahet përballë Kryeministrisë.
“Gjysma e familjeve janë larguar nga skema e ndihmës ekonomike sepse Edi Ramës dhe kukullave të tij nuk iu bëhet vonë për familjet e varfra të Kurbinit e Shqipërisë. Ka dhjetëra fshatra pa elektricitet sepse Edi Rama ju ka prerë drita, në vend ti subvencionojë e t’u japë para sepse ato para i do për veten e tij dhe oligarkët me të cilët ha. Spitali në qytetin tuaj në gjendjen më të keqe se spitalet fushore të Luftës së Parë Botërore. E di që buxheti i shtetit dhe taksat tuaja janë kthyer në burime pasurie për again e Surrelit.
PD do iu dalë zot. Ne do të hapim rrugën që çdo bijë dhe bir kurbinas që dëshiron të ndjekë universitetin. Shteti shqiptar mund dhe do të paguajë për arsimin tuaj.
Sot gjithë bota e di se Edi Rama nuk është kryeministër i shqiptarëve por kryeministër i krimit, i bandave, i Gjushit”, tha Basha. D.l
