Kryetari i PD-së, Lulzim Basha është pyetur në Opinion edhe për humbjen e PD-së në Dibër. “Në një konteskt normal zgjedhjet i fiton dikush dhe i humbet dikush tjetër, por Dibra është një rast specifik ku u rrëmbye vullneti i qytetarëve”, ka thënë Basha.
Sipas tij, ” së pari, numrat tregojnë një 10-fishim të marzhit të fitores së qeverisë dhe analiza e parë është çfarë ka ndodhur në këtë vit në Dibër, kur qeverisja ka shkuar në përkeqësim papritur ngrihet numri i votuesve në kete vend. Së dyti, ne organizuam një fushatë qytetare e demokratike, ku takuam të gjithë qytetarët duke çuar një kandidat dhe një profesor, i cili prezantoi një program konkret. Mazhoranca solli persona me preçendent penal, një prej tyre ishte Arben Ndoka që doli në të gjitha mediat. Solli gjithashtu edhe biznesmenë të mbajtur me paratë e buxhetit të shtetit. Dhe së treti, i gjithë shteti duke nisur me policinë, OSHE, madje edhe ushtria ishte cep më cep të Dibrës”, ka sqaruar Basha.
