Kryetari demokrat Lulzim Basha ka ndryshuar renditjen e kandidatëve për deputetë në qarkun e Lezhës. Ai ka ngritur z. Preç Zogaj në vendin e 4-t nga i 5-ti ku ishte deri dje.
Vetë Zogaj në një prononcim për mediat të dielën e paralajmëroi këtë duke thënë “emri i tij 5 në Lezhë është një lapsus”.
Kështu, Zogaj renditet pas Bumçit, Metaliajt dhe Frrokajt. Vendi i 4 në Lezhë është një pozicion i sigurt për publiçistin e njohur.
Kujtojmë se 4 vite më parë PD ka marrë 4 deputetë në Lezhë (Aldo Bumçi, Albina Deda, Gjovalin Kadeli, Vasil Bici që u dorëhoq dhe në vend të tij hyri Mëhill Fufi). I ndjeri Kadeli në muaj e parë të mandatit (në 2013) kaloi me LSI.
Kështu me vendosjen e Preç Zogajt i 4-ti për zgjedhjet e 25 qershorit 2017, PD synon të marrë 4 deputetë në këtë zonë.
Lista zyrtare e qarkut Lezhe
1. Aldo Tonin Bumci
2. Lindita Ilir Metaliaj
3. Andon Mati Frrokaj
4. Preç Gjon Zogaj
5. Martin Ded Biba
6. Luigj Mark Gjergji
7. Enkelejda Mark Rica
/Opinion.al
