Kreu i PD, Lulzim Basha ka nisur vizitë e tij zyrtare në Kosovë. Pas kryeministrit Avdullah Hoti, Basha është takuar edhe me kreun e shtetit, Hashim Thaçi.
Presidenti i Kosovës tha se tema e diskutimit ishte bashkëpunimi politik mes dy vendeve dhe një ndër çështjet kryesore të diskutuara ka qenë integrimi i Kosovës në BE dhe i dialogut Kosovë-Serbi.
Thaçi ka theksuar se është e rëndësishme që dialogu të mbyllet me njohjen reciproke.
“Sot kemi diskutuar për zhvillimet në Kosovë dhe në serbi dhe qëllimi i Kosovës është anëtarësimi sa më shpejt në NATO dhe në BE, duke ndjekur hapat e Shqipërisë. Është e rëndësishme që të kemi një konsensus të gjerë në perspektivën evropiane për hapjen e vizave dhe për cijimin e dialogut. Është e rëndësishme që të kemi një konsensus për hapjen e angazhimit me Kosovën dhe me vendet e tjera. Kontributi i Shqipërisë është gjithmonë i pritur. Dhe një koordinim i sigurt mes Kosovës dhe Brukselit. Dhe qëllimi është që dialogu mos të mbyllet me aspekt teknik por me njohje reciproke”, ka thënë Thaçi.
Basha tha se i shprehu mbështetjen presidentit Thaçi, ndërsa vlerëson qëndrimet e tij në mbështetje të dialogut me Serbinë, qëllimi final i së cilës është njohja reciproke.
Po ashtu Basha tha se ka shprehur mbështetjen e tij dhe të opozitës për të gjitha qëndrimet e krerëve të institucioneve dhe atyre që kanë sakrefikuar gjatë këtyre 22 viteve për lirinë e Kosovës.
“Është gjithmonë një mundësi të takohemi. Ju falënderoj për mundësinë për të shkëmbyer informacion mbi zhvillimet e fundit në Kosovë dhe hapat që po hidhen me dialogun me Serbinë.
I shpreha mbështetjen time presidentit për qëndrimet e tij si kreu i shtetit në mbështetje të dialogut, në mbështetje të kohezionit të të gjitha forcave politike në Kosovë. Është pikëpamja ime që bashkëpunimi i forcave politike vetëm e fuqizon Kosovën në sfidat që po përballet.
Sa i përket dialogut një bashkërendimin tillë do të përshpejtojë procesin e dialogut me një qëllim njohjen reciproke.
Shpreha mbështetjen time dhe të PD dhe të opozitës së bashkuar për të gjitha qëndrimet e krerëve të institucioneve dhe politikës, në veçanti ata që kanë sakrifikuar për këto 22 vite për lirinë e Kosovë dhe që duhet të sakrifikojnë në plan personal për të siguruar vazhdimësinë e fryteve të lirisë për të gjithë qytetarët dhe në veçanti për Presidentin Thaçi dhe për të gjithë bashkëpunëtorët e tij”, deklaroi Basha. /Opinion.al
