“Të gjitha të këqijat vijnë nga blerja e votës”. Nga Pogradeci, në një takim me të rinjtë kreu i PD-së tha se pa lirinë e votës nuk ka punësim, nuk ka mirëqenie.
E për këtë Lulzim Basha kishte dhe një mesazh për ndërkombëtarët, që nuk e kanë mbështetur në aksionin e marrë së fundmi me djegien e mandateve apo mospjesëmarrjen në zgjedhjet lokale të opozitës.
“Kushdo që thotë të kundërtën gënjen, pak rëndësi ka në çfarë gjuhe e thotë, gënjen. Dhe shqiptarët janë të zgjuar, nuk i pranojnë, as nuk i hanë gënjeshtrat. Ka 6 vite që na mbyllet dera e Europës dhe ne e dimë të gjithë se pse. Sepse në vend që ta luftojë krimin, qeveria lidhet me krimin, lidhet me krimin që të mbajë pushtetin edhe kur populli do që ta largojë me votë. Lidhet me krimin dhe oligarkët që të kapë ekonominë dhe të pasurohet në kurriz të njerëzve të ndershëm, madje modelin e krimit e ka sjellë edhe në universitete”, tha Basha, ndërsa opozita po përgatitet për protestën e radhës, atë të ditës së shtunë.
Sipas Bashës, misioni i nisur më 16 shkurt do të vazhdojë derisa të largohet kryeministri Edi Rama, të formohet një qeveri tranzitore si dhe të mbahen zgjedhje të lira e të ndershme./ Opinion.al
