Garantimi i zgjedhjeve të lira e të ndershme ishte në qendër të takimit që kreu i demokratëve, Lulzim Basha zhvilloi me partitë e koalicionit të djathtë. Në takimin që zgjati më shumë se 60 minuta, palët diskutuan mbi opsionet që çojnë drejt një mekanizmi që garanton një proces transparent.
“Strategjia jonë që po rakordohet me aleatët parashikon garantimin e votës së lirë, garantimin e numërimit të votës, për këto të dyja ka një sërë opsionesh, ku nuk përjashtohet mundësia për votimin elektronik. Çështja e financimit të partive, që do të thotë kriminalizimi i donacioneve private, por jemi të hapur të diskutojmë çdo alternativë tjetër ”- deklaroi Basha.
Sa për sistemin elektoral, Basha thotë se mbetet i hapur, por i mëshon idesë se një ndërhyrje e tillë është pjesë e një dialogu më të gjerë.
Pjesë e takimit me partitë e koalicionit të djathtë, ku u vu re edhe Kryetari i Partisë Agrare, Agron Duka ishte edhe platforma e opozitës, për rimëkëmbjen e ekonomisë. /Tv Klan
