Lulzim Basha ka folur pas mbledhjes së grupit parlamentar demokrat. Ai tha se grupi i PD nuk ka asnjë përçarje dhe se është unanim për draftin e fundit që është në diskutim. Ai i ktheu përgjigje edhe Edi Ramës dhe ambasadorit Lu.
Pjesë nga deklarata e Bashës për mediat
“Kemi zhvilluar një mbledhje thelbësore për ndryshimet kushtetuese. Grupi ka marrë një vendim unik dhe unanim mbi propozimet që në në thelb komisionin e Venecias. PD inkuperon variantin hibrid të reformës që na u parashtrua të shtunën. E kemi diskutuar edhe me zonjën Nuland e cila më tha se ishte një propozim i Lu dhe Vlahutin.
Shqetësimi ynë është për rolin e misionit ndërkombëtar të monitorit dhe moskapjen politike nga duart e padukshme të sistemit të drejtësisë.
Kjo, jo se PD ka mosbesim ndaj faktorit ndërkomëbëtar. Por shqetësimi ynë ka të bëjë me kompetencat. Ky komision nuk duhet të ketë kompetenca Kushtetuese por rol monitorues dhe këtë shqetësim e ndava dhe me Znj. Nuland. Nëse nesër pasnesër ka diçka nuk shkon mirë kujt do ti kërkojmë llogari Kryeministrit të Finlandës apo atij të Zvicrës?
Shembulli më i qartë është ai i ekspertëve që hartuan reformën në drejtësi. Pa dashur të vë në dyshim profesionalizmin e tyre dua të them se ata kishin qartësisht një kah politik, ishin të majtë. Kë duhet të fajësoj unë për këtë SHBA apo BE?
Gënjeshtrave që tha kryeministri sot dua ti përgjigjet me një fjali. Jep autorizim negociatorëve të vazhdojnë me pikat e mbetura pasi jemi vetëm një hap dakordësisë për të gjitha ligjet e reformës.
Unë rinovoj sot autorizimin e plotë të ekspertëve të PD. Ti lëmë muhabetet politike dhe të përafrojmë argumentet ligjore. Ajo çka ne propozojmë është e ngjashme me atë që vetë Rama propozoi me 8 Korrik”.
I pyetur për deklaratat e ambasadorit amerikan i cili tha se “jam i zhgënjyer me Bashën”, ky i fundit përgjigjet: “Lu ka dhënë kontribut të jashtëzakonshëm. Miqtë flasin hapur me njëri-tjetrin, si kur bien dakord dhe po ashtu kur nuk bien dakord. Gjithsesi nuk ia marr pesonale”.
