Kreu i opozitës, Lulzim Basha, i është përgjigjur “flakë për flakë” Kryeministrit Edi Rama, sërish, pak pasi ky i fundit bëri disa aludime për mos hapjen e negociatave me BE-në në rrjetet sociale.
Edhe Basha ia ka kthyer përgjigjen po në rrjetet sociale: “Lëri përrallat me armiq imperialistë. Mijëra familje vuajnë për bukën e gojës, shqiptarët paguajne çmimin më të lartë të energjisë në Ballkan, vendi po zbrazet e të papunët shtohen cdo ditë, maturantëve ua dogje ëndrrat për arsim, studentët po lënë shkollën prej tarifave te rritura, fermerët nuk i ngop dot me përralla per kredi, shëndetësine e cove ne kolaps. Krimi, droga dhe korrupsioni i kanë zënë rrugën vendit. Këto jane hallet e shqiptarëve e jo armiqtë imagjinarë që zbulon nga dhoma e vizatimeve. Është ora e të vërtetës.”
