Lideri demokrat Lulzim Basha foli sot në mesditë pas mbledhjes së grupit të PD për bandat dhe krimin e organizuar në vend. Ai mori shkas nga deklarata e ambasadorit Lu edhe pse nuk e përmendi me emër.
“Vendi është në prag gremine”, tha Basha, duke shtuar se “duhet të ngrihemi të gjithë pa dallime politike dhe të mposhtim krimin dhe ustallarët politik të krimit të organizuar. Ti kërkosh Ramës të luftosh krimin e organizuar është si ti kërkosh të luftojë veten e vet. Kjo është e pamundur. Ndaj të bëhemi bashkë në një front të gjerë opozitar. Të largojmë këtë kartel politiko-kriminal”, tha lideri i PD-së.
Kujtojmë se sot në mesdite, ambasdori i SHBA-ve duke folur përpara politikanëve dhe gjyqtarëve tek Shkolla e Magjistraturës përmendi me emër Klement Balilin që nuk arrestohet, Emiljano Shullazin që bën trafik droge nga burg dhe Lul Berishën që u lirua gabimisht nga burgu. Ai tha se në Shqipëri janë 4 klane të fuqishme dhe 20 familje mafioze që nuk preken nga policia e prokuroria. Ambasadori gjithashtu tha se ka ardhur momenti që qeveria të luftojë krimin e organizuar.
/Opinion.al
