Kryetari i opozitës, Lulzim Basha ka vijuar sot takimet me qytetarët dhe bizneset në tiranë të cilët i ka pyetur për gjendjen ekonomike. Në një komunikim në Facebook, Basha ka njoftuar se sot do të zhvillojë takime në njësinë administrative numër 5, në Tiranë.
Kreu i demokrateve thekson se qeveria i ka braktisur dhe i ka lënë në mëshirë të fatit bizneset ndërkohë që nënvizon se sipas statistikave, se gjysma e atyre që duhet të përfitonin nga vkm-të nuk i kanë , marrë akoma paratë.
“Lekët e shqiptarëve të shkojnë tek njerezit, t’i japim fund prokurorimeve korruptive, tenderave sekretë, koncesioneve që po përthithin të gjithë paratë e njerëzve, t’i kthejmë ato në pagesa direkte, në radhë të parë për konsumatorët, për familjet në nevojë, për njerëzit që kanë humbur vendet e punës, që kanë humbur xhiron e tyre. Së dyti, përfitime për çdo biznes. Statistikat e fundit tregojnë se më pak se gjysma e atyre që duhet të përfitonin nga vkm-të gjysmake të qeverisë, nuk i kanë marrë këto para akoma.”– thotë Basha.
Sipas të dhënave që janë publikuar nga Ministria e Financave, në statistikat e saj për Covid-19. Janë rreth 97 mijë punonjës që u është miratuar pagesa prej 40 mijë lekësh si pjesë e paketës së dytë financiare dhe 95 mijë prej tyre e kanë marrë. Ky numër përbën vetëm 55% të punonjësve që ishin planifikuar të përfitonin nga kjo pagesë, teksa në total fondi është parashikuar për 176 mijë punonjës./ Opinion.al
https://www.facebook.com/lulzimbasha.al/videos/320228068965855/
