Kryetari i Partisë Demokratike, Lulzim Basha ka folur për vrasjen e Klodian Rashës nga një efektiv policie dhe protestat e zhvilluar ditët e fundit.
Teksa dënoi dhunën e policisë ndaj protestuesve, Basha tha se ka kërkuar hetimin e Drejtorit të Policisë së Shtetit, Ardi Veliu.
“Edi Rama është pengu i dhunës kriminale të shkaktuar nga aleanca e tij me oligarkët dhe krimin. Ai është personifikimi i dhunës, i shkatërrimit të shtëpive të shqiptarëve, pengu i oligarkëve që i nxori njerëzit me gaz nga shtëpitë, ju rrahu nënat fëmijëve te zgjatimi i Bulevardit, shkoi në arrestime dhe rrahjen e grave te Unaza e Re, dhuna tek teatri apo dhuna ndaj të miturve në protestë që iu shkatërroi shpresën. Unë e kam dënuar dhunën e Ramës dhe shtetit policor që ka ngritur dhe që beson se do zgjasë pushtetin e tij të dhunës. Dje kam kërkuar hetimin e dhunës së Ardi Veliut e një grushti horrash që e bëjnë me turp policinë e shtetit, janë edhe policët prindër me fëmijë, po ju plas shpirti se edhe ata kanë fëmijë, mezi po presin ndryhimin ai është antimorali është e keqja që e largojmë me 25 prill”,-tah Basha.
I pyetur nga gazetarët për paralelizimin e rastit të Rashës nga Rama me 21 janarin, Basha tha se të gjitha institucionet ndërkombëtare treguan se policia iu ushtrua dhunës dhe se vrasja ndodhi si pasojë e veprimit të Gardës, ndërsa shtoi se shumë prej tyre u përballën me ligjin dhe u dënuan.
“Të gjitha institucionet ndërkombëtare treguan se policia iu ushtrua dhunës, se vrasja ndodhi si pasojë e veprimit të Gardës, shumë prej tyre u përballën me ligjin dhe u dënuan. E vërteta nuk është kaq, Ramanuk tregon se atë që ishte në grupin e zjarrit e bëri drejtor OSHE, kryetar PS dhe sot një nga njerëzit që me grupin e tij terrorizon Matin. Kurrë s’duhet të ishte graduar në atë detyrë”,- u shpreh Basha./ Opinion.al
