Për të gjithë ata që e ndoqën, u duk sikur ishte një përballje mes Edi Ramës dhe Lulzim Bashës. Por ky i fundit, në një deklaratë për News 24 ka thënë se intervista e dhënë për emisionin “Porta a porta” të gazetarit Bruno Vespa u censurua.
Ju u shfaqët tek Vespa vetëm 1 minutë e gjysëm, ndërkohë që Rama ishte në studio. Si për të larë gojën. Cfarë ishte kjo?
Basha: Bëra gabim. Më thanë se do te më jepeshin deri në 3 min e gjysëm, u mundova në ato 3 min e gjysëm të jepja një mesazh, pastaj nuk e di se çfarë ndodhi dhe u katandis kokoshi një thelë, po pak rëndësi ka. Bëra një gabim. Mendova se do të kisha mundësi që të shfaqja pikëpamjen tjetër, por, siç e tha edhe zoti Lubonja, kjo ishte një shfaqje e turpshme.
Pra ju kanë censuruar?
Basha: Vergogna, turp i vërtetë.
Vlen të kujtojmë që kryeministri Edi Rama shkoi në Itali, vetëm për të dhënë intervista në mediat e këtij vendi pa një axhendë zyrtare. Pas kthimit, në një postim në Twitter si shkroi se pastroi baltën që ka hedhur mbi Shqipërinë, opozita e vendit./ Opinion.al
