Kreu i opozitës, Lulzim Basha po zhvillon një vizitë na Athinë.
Axhenda parashikon takim me me shefin e opozitës greke, Kyriakos Mitsotakis, si dhe me aktorë të tjerë të jetës politike dhe publike greke.
Në fokus të bisedimeve janë jo vetëm marrëdhëniet dypalëshe, por edhe problemet që preokupojnë emigrantët tonë në Greqi.
Në vëmendje do të jenë edhe çështja çame dhe ajo e pronave.
Në këtë kuadër, kryedemokrati ka zhvilluar fillimisht një takim me anëtarë dhe simpatizantë të kësaj force politike që jetojnë e punojnë në Greqi, raporton 360gradë.al.
Basha theksoi rëndësinë që kanë emigrantët në forcimin e marrëdhënieve dypalëshe mes Shqipërisë dhe Greqisë. Kreu demokrat u kërkoi emigrantëve të jenë gati për zgjedhjet parlamentare, kurdo ato do të zhvillohen.
Ai kërkoi që sa më shumë shqiptarë të vijnë në Shqipëri për të votuar, pasi votat e emigracionit kanë një rëndësi të veçantë në fitoren e Partisë Demokratike në zgjedhjet e ardhshme.
