Barzee ndihmoi në rrëmbimin e 14 vjeçares, Elizabeth Smart, nga shtëpia e saj në Salt Lake City në vitin 2002.
Në natën e 5 qershorit të atij viti, Mitchell, i cili tani po vuan një burgim të përjetshëm, hyri në shtëpinë e familjes Smart përmes një dritareje të hapur në kuzhine, shkoi në dhomën e gjumit që Elizabeta ndante me motrën e saj më të vogël, Mary Katherine, dhe e mori atë me dhunë.
Maria Katherine , motra e vogël e Elisabeth e dinte se çfarë kishte ndodhur, dhe i raportoi ngjarjen prindërve të saj.
Smart u mbajt nga Mitchell dhe Barzee për nëntë muaj në një kamp në pyll. Ajo u keqtrajtua aq shumë sa pas 9 muajsh nuk njihej nga njerëzit dhe nuk ishte në gjendje as të kërkonte ndihmë. Vendndodhja e saj u zbulua pasi policia u informua për një situatë të çuditshme në pyll, si duket banorëvë u kishte bërë përshtypje sjellja e Mitchell dhe Barzee ndaj vajzës dhe kishin parë shenjat në trupin e saj. Më pas ata kishin bërë lidhjen me fotografitë e vajzës së zhdukur dhe raportuan menjëherë në polici.
Pas shpëtimit të vajzës dy rrëmbyesit u prangosën menjëherë.
Barzee duhej të përfundonte dënimin e saj në Utah në vitin 2024 por autoritetet e shtetit nuk kishin llogaritur kohën që ajo kishte bërë në burgun federal dhe prandaj u lirua më 19 shtator 2018.
Megjithatë, Barzee do të jetë nën mbikëqyrjen federale për pesë vjet. Dhe sipas Associated Press, nëse ajo shkel kushtet që përfshijnë trajtimin e shëndetit mendor dhe një urdhër për të mos kontaktuar familjen e Smart, mund të kthehet në burg.
Smart, tani është një aktiviste dhe avokate për viktimat e rrëmbimit dhe abuzimit seksual. Ajo tha në një konferencë shtypi javën e kaluar se Barzee e trajtoi atë si skllave për 9 muaj.
Ajo shtoi se Barzee jo vetëm që ishte në dijeni të faktit se po përdhunohesha nga Mitchel, por dhe inkurajonte abuzimin seksual duke e ngacmuar atë me fjalë.
“Unë do të nxisja gjykatën që të rishqyrtonin këtë situatë, të shikojnë të gjitha faktet dhe të rishikojnë statusin e saj mendor”, tha Smart në një konferencë shtypi./Opinion.al
