Gazment Bardhi deklaroi se në Kuvend nuk është vendosur paqe, se nuk ishin në luftë.
Nga foltorja e Kuvendit ai tha se për reformën zgjedhore përgjegjës janë ata që e bllokuan për 2 vite.
Sipas tij, qëndrimi i opozitës ka qenë që ditën e parë për të pasur një jetë normale në Kuvend.
“Nuk kemi vendosur paqe se nuk ishim në luftë, ishim dy palë të ndryshme. Ju në shkelje të Kushtetutës për të shkelur opozitën dhe opozita në mbrojtje të të drejtave të saj.
Qendrimi ynë ka qenë që ditën e parë që donim një jetë normale në Kuvend.
Kur ju nxisnin opozitën të bojkotonte Kuvendin dhe digjte mandatet ka marrë fund. Sot përballemi me cdo mjet e formë. Sa i përket Reformës Zgjedhore. Në korrik e shtator 2023 kërkuam që të mbahen përgjegjës ata që e bllokuan. Kishte një Pazar që në limitet e kohës të zgjedhjeve të ardhshme të mos kishim zgjedhje të lira e të ndershme. Shqiptarët presin që vota të mos ndryshohet nga krimi, paratë e korrupsionit të kësaj qeverie.
Në skadim të këtij komisioni të turpshëm, ky Kuvend sot duhet t’i mbajë përgjegjës nga i pari tek i fundit dhe duhet të nxisë dialogun politik që t’i japim shqiptarëve një reformë të saktë e jo një tallje me teza jeniçerësh që kthehen sa herë dikush ka nevojë të bëhet deputet”, thotë Bardhi.
