Sekretari i Përgjithshëm i PD, Gazment Bardhi në një prononcim për mediat tha se përjashtimet e deputetëve të opozitës janë bërë me urdhër politik, ndërsa i bërë thirrje PS dhe Lindita Nikollës që të rishohin kërkesat e tyre për komisionet hetimore dhe masat e ndëshkimit.
“Pavarësisht se me një urdhër të paligjshëm deputetët e opozitës nuk u lejuan në sallë, edhe pse nuk kanë kryer asnjë shkelje të rregullores si një tentativë për të formalizuar përjashtimin de facto të opozitës. Grupi i PD vijoi aksionin për t’i shpjeguar shqiptarëve që ky nuk është Kuvend normal, sa kohë opozitës i mohohen të drejtat nuk mund të ketë një falsitet në Kuvend sa kohë shkelet rregullorja dhe Kushtetuese. Apeloj mazhorancën, Nikollën që të ri-shohë pozicionin e saj së pari sa i përket kërkesave të opozitës dhe të heqë dorën nga masat që tentojnë të shtypin opozitën, përmes përjashtimit të deputetëve”,-tha Bardhi.
“Grupi parlamentar i PS kishte shpërndarë një SMS që deputetët e mazhorancës duhet të paraqiteshin në Kuvend në orën 09:00. Ndjej keqardhje që disa deputetë me mandat opozitar i janë përgjigjur këtij urdhri të grupit parlamentar të maxhorancës”,-tha Bardhi.
