Një ditë para mbajtjes së manifestimit të organizuar nga Presidenti Ilir Meta, Sekretari i Përgjithshëm i Partisë Demokratike, Gazment Bardhi u ka bërë thirrje mbështetësve të partisë që të dalin në mbrojtje të Kushtetutës
Përmes një postimi në rrjetet sociale, Bardhi shprehet se kur shkelet Kushtetuta, bie shteti dhe demokracia dhe për këtë arsye, çdo qytetar duhet të reagojë.
“Kushtetuta është marrëveshja më e rëndësishme e një shoqërie që garanton bashkëjetesën tonë. Kur shkelet Kushtetuta, bie shteti, bie demokracia, cenohen të drejtat e njerëzve. Çdo qytetar duhet të reagojë. I ftoj anëtarët dhe mbështetësit e Partisë Demokratike të bashkohen në manifestimin e 2 Marsit, në mbrojtje të Kushtetutës, në orën 17:00, në Bulevardin Dëshmorët e Kombit”- shkruan Bardhi./ Opinion.al.
