Teksa ka nisur në normalitet mbledhja e Kuvendit, Gazment Bardhi ka folur për seancën paraardhëse të parlamentit.
Ai ka kërkuar nga kryeparlamentarja Lindita Nikolla të shpallë pavlefshmërinë e votimit seancës e së enjtes.
Bardhi tha se nuk ishte plotësuar kuorumi, pasi nga 71 deputetë që duhet të ishin, në sallë ishin vetëm 65.
Nga ana tjetër Nikolla ka thënë se sekretariati s’ka marrë ende vendim dhe se procesverbali ka reflektuar situatën e asaj seance.
Gazment Bardhi: Nga përmbajtja e procesverbalit drejtuesja e seancës në seancën e kaluar ka verifikuar kuorumin e pjesëmarrjes dhe rezulton se janë prezent 68 deputetët, u jam drejtuar me një kërkesë për të shpallur pavlefshmërinë e votimit të seancës së kaluar. Që procesi i votimit të hapet do duhet të jenë 71 deputetë. Në procesverbal evidentohet se kanë marrë pjesë 68 deputetë. Kërkoj nga ju të shpallni pavlefshmërinë e të gjitha votimeve të seancës së kaluar.
Nikolla: Sekretariati s’ka marrë ende vendim. Procesverbali ka reflektuar situatën e asaj seance.
