Gazment Bardhi ka reaguar pas takimit të kryeministrit Edi Rama me biznesin e ndërtimit.
Nëpërmjet një postimi në rrjetet sociale, Bardhi shkruan se SPAK duhet të hetojë kryeministrin Edi Rama, duke e akuzuar atë se ka bashkëpunuar me biznesmenë për të bërë evazion fiskal.
“Edi Rama ka bërë sot një deklarim të vlefshëm për SPAK-un. Kryeministri e di që në biznesin e ndërtimit ka evazion fiskal dhe jo vetëm e ka lejuar të ndodhë, por ka bashkëpunuar për rritjen e evazionit duke u dhënë leje të reja ndërtuesve që fshehin të ardhurat. Kush fsheh 5 mijë, 6 mijë, 7 mijë, 8 mijë euro m2 shitje? Nuk ka asnjë dyshim që ndërtuesit e tij të preferuar, të cilët, disa i ka shpallur investitorë strategjikë për resorte në bregdet, disa i pajis me leje për kulla. Në të gjitha rastet është firma e Edi Ramës. Dhe është koha që SPAK ta marrë seriozisht hetimin e kryeministrit për shpërdorim detyre përmes lejimit me mosveprim të evazionit fiskal”,-shkruan Bardhi./ Opinion.al
