Gazment Bardhi është përplasur në Kuvend me deputetin e PS-së, Erion Braçe pas tensioneve në foltore me kryeparlamentaren Lindita Nikolla ku i kërkonte fjalën të parashtronte kërkesën për intepelancë me Ramën për RAI.
Pasi e mori fjalën, Braçe i tha që t’i kërkonte falje për mënyrën se si iu drejtua Lindita Nikollës.
Ai iu drejtua me fjalën “gore” Braçes, duke i kërkuar që të mbyllë gojën.
“Kërkoj falje unë kur ka reflektim nga kryetarja e Kuvendit, ka edhe nga ana jonë. Po pra po, a ka mundësi ta mbyllësh gojën ti aty tani, gore, aty na acaron nerva që në mëngjes”, i drejtohet Gazment Bardhi.
Në fund të fjalës Bardhi i kërkoi falje Nikollës, ndërsa të njëtën gjë kërkoi dhe nga ajo.
“Ndjesë për gjuhën e përdorur. Edhe ju duhet të kërkoni ndjese që na vonuat 1 orë”, tha Bardhi.
