Gazment Bardhi ka renditur një sërë pyetjesh ndaj përfaqësuesve të KLP-së, në raportin vjetor për veprimtarinë e Këshillit të Lartë Gjyqësor.
Në Komisionin e Ligjeve, teksa Bardhi pyeti nëse ka prokuror që ushtron sot funksionin dhe nuk ka kaluar ende në veting, përfaqësuesit e KLP thanë se ka vetëm një rast që është prokuror pa kaluar vetingun dhe ai është magjistrat.
Më tej, Bardhi ka bërë me dije se ky prokuror që nuk ka kaluar vetingun është Bledar Valnikaj, bashkëshorti i Ermonela Felajt.
Bardhi: A ka prokuror që ushtron sot funksionin dhe nuk ka kaluar në veting? Sot duhet të dijë gjithkush se i vetmi prokuror që nuk i është ushtruar vetingut e as sistemit të hyrjes rishtas në sistem.
KLP: Ka vetëm një rast që është magjestrat.
Bardhi: Prokurori Bledar Valnikaj, bashkëshorti i deputetes Ermonela Felaj. Është i vetmi prokuror në Republikën e Shqipërisë që nuk i është nënshtruar vetingut në asnjë komponent. Kushtetuta thotë që çdo prokuror që do të rrijë në sistem duhet t’i nështrohet vetingut. Sot i vetmi prokuror në Shqipëri është Bledar Valnikaj, që nuk ka kaluar sistemin e vetingut.
Po ashtu ka një shqetësim që në të njëjtin institucion janë emëruar 4 anëtarë të një familje. Këtu ka të bëjë me vendimmarrje në konflikt të interesit.
