Po zhvillohet në këto momente mbledhja e Konferencës së Kryetarëve në Kryesinë e Kuvendit. Kreu i Grupit të PD-së, Gazment Bardhi i ka bërë kërkesë kryetares së Kuvendit që të fusë në rend të ditës interpelancën me kryeministrin Edi Rama për përfshirjen e vëllait të tij në laboratorin e drogës në Xibrakë.
Veç kryeparlamentares, kundër kërkesës së Bardhit është shprehur edhe kreu i Grupit të PS, Bledi Çuçi, i cili u shpreh se nuk ka lidhje me veprimtarinë e Kryeministrit.
“Këtu jemi në Konferencë Kryetarësh, jo në mbledhje grupi parlamentar apo mbledhje partie. Përgjigjja është e qartë, s’ka lidhje me objektin e kërkesës për interpelancë që kërkon Bardhi. Nuk mund të jetë çdo tryezë për të thënë çdo gjë që na vjen në mendje. S’ka arsye të zgjatemi në këtë pikë”, deklaroi Çuçi në mbledhjen e Konferencës së Kryetarëve.
Kujtojmë që më herët edhe vetë kryeministri Edi Rama e refuzoi kërkesën e Bardhi për interpelancë./Opinion.al
