Kreu i grupit parlamentar të Partisë Demokratike, Gazment Bardhi, i është përgjigjur deklaratës së ambasadorit të BE, Silvio Gonzato, që tha se është kundër dhunës nga opozita dhe se kjo e fundit duhet të gjejë alternativa të tjera për dialogun politik.
Përmes një reagimi në rrjetet sociale, Bardhi thotë se fshehja e realitetit pas fjalëve të bukura nuk ndihmon Shqipërinë.
“Bëhet thirrje që opozita të luaj rolin e saj brenda Parlamentit; ndërkohë mundësia e opozitës për të hyrë brenda dhe pastaj për të patur mundësi të luaj rolin e saj brenda Parlamentit paraqitet kështu në realitet!
Fshehja e realitetit/të vërtetës pas fjalëve të bukura, nuk e ndihmon Shqipërinë! Realiteti/e vërteta është që opozita është përjashtuar nga Kuvendi pa ligj dhe me një rregull që është shfuqizuar prej 6 muajsh nga Gjykata Kushtetuese.
Parlamentarizimi ka në themel të tij respektimin e Kushtetutës, si mundësia e vetme e bashkëjetesës mes palëve që mendojnë ndryshe”, ka shkruar Bardhi.
