Pasi “harruan” akuzat të drejtpërdrejta ndaj njëri-tjetrit, Gazment Bardhi dhe Flamur Noka kanë vijuar turin e takimeve për të bashkuar PD dhe për të mobilizuar qytetarët për protestën e 20 shkurtit.
Pas Shkodrës, këtë të shtunë Noka dhe Bardhi zhvilluan një takim me demorkatët e Elabsanit. Ata së bashku me të gjithë deputetët e këtij qarku janë takuar gjithashtu dhe me strukturat e PD-së.
Gazmend Bardhi tha se së fundi bashkimi i PD dhe i Opozitës është sinjal i realizimit të shpresës së madhe.
“Ne demokratët u ndërgjegjësuam se ajo që ndodhi dy vite më parë ishte e gabuar. Përçarja nuk është rruga e duhur. Ne jemi këtu se e duam Shqipërinë dhe duhet ti ndërgjegjësojmë edhe të tjerët të bashkohen me ne. PD duhet të fitojë në 2025 se duhet të fitojë Shqipëria. Duhet t’i fitojmë mendjen dhe zemrën e elbasanasve që e duan vendin. Lidershipi i Partisë për shkak të vendimeve të gabuara jua ka shtuar vështirësitë demokratëve dhe ne kërkojmë ndjesë. Prandaj të gjithë ti prini Protestës së 20 Shkurtit në orën 17:30. Strukturat e PD do ftojnë në protestë jo vetëm demokratët por çdo qytetar. Do na keni në krah sepse jemi forca që do çojmë Shqipërinë në Europë”-tha Bardhi.
