Klubi i Barcelonës nuk dorëzohet në garën për të marrë sulmuesin e Interit Lautaro Martinez. Sipas medias katalanase, “Diario Sport”, drejtuesit e Barcelonës po mendojnë t’i ofrojnë Interit 70 milion euro për lojtarin dhe dy lojtarë, Arturo Vidal dhe Nelson Semedo.
Martinez shihet nga katalanasit si njeriu i duhur që mund të zëvendësojë Luis Suarez, tashmë 33 vjeç. Argjentinasi ka shënuar deri tani, 16 gola në 30 ndeshje me “zikaltrit” në të gjitha kompeticionet, ndërsa 5 gola i ka realizuar në 6 ndeshje në Champions League.
Kontrata e tij me Interin përfundon në vitin 2023, por Martinez ka një klauzolë prej diçka më shumë se 100 milionë euro, që hyn në fuqi për vetëm dy javë në korrik, nga e cila Barcelona mund të përfitojë./ Opinion.al
