Barcelona-Atletico Madrid është një ballafaqim spanjoll në çerekfinale të Ligës së Kampioneve.
Dy skuadrat e vendeve të para në La Liga do të diskutojnë me njëra-tjetrën kush do të shkojë në gjysmëfinale të garës më të rëndësishme europiane për klubet.
Më shumë se kaq, ky duel mbaret në vetvete edhe një “rekordmen”.
Fjala është për futbollistin që ka përshkuar më shumë metra në ndeshjet e luajtura deri tani, në Champions, i cili është Gabi i “Rojiblancos”.
Askush nuk ka bërë më shumë hapa (metra) se sa mesfushori i Atletico Madridit, skuadrës që bën pjesë në mesin e tetë më të mirave në Europë.
Po ashtu, asnjë skuadër tjetër, në total, nuk ka përshkuar më shumë metra se ajo e drejtuar nga Diego Pablo Simeone. E si mund të jetë ndryshe, me kapitenin e vet në pjesën e përparme.
Gabi, sikurse thamë më sipër, i ka plotësuar 87 337 metra në Ligën e Kampionëve, deri në çerekfinale.
Një tjetër lojtar i Atletico Madridit, Griezmann, paraqitet i dyti në këtë listë, në mesin e tetë skuadrave më të mira nga Europa.
Në fakt, francezi ka edhe më shumë metra se dy maratona së bashku (mbi 84 539 metra). Matuidi, mesfushori i PSGsë, me 84 190 metra. Është e vërtetë që lojtarët e Atletico Madridit kanë 30 minuta kohë shtesë, kundër PSV, por në të njëjtën situatë është edhe Bayern Munich, të cilit iu desh koha shtesë për të eliminuar Juventusin.
Ja lojtarët e skuadrave çerekfinaliste të Championsit, me më shumë (kilo)metra të përshkuara:
- Gabi – 8 688 87337 metra
- Griezmann – 8 677 84539 metra
- Blaise Matuidi – 8 671 83831 metra
- Philipp Lahm – 8 750 83399 metra
- Thomas Müller – 8 647 82587 metra
- Fernandinho – 8 690 81299 metra
- Yaya Toure – 8 675 80109 metra
- Koke – 6 562 76697 metra
- Sauli – 8 569 76195 metra
- Juanfran – 7 660 75849 metra
- Max Kruse – 7 621 75601 metra
