“Barbie” është bërë zyrtarisht filmi më fitimprurës i të gjitha kohërave i Ëarner Bros.
Më pak se një muaj pasi u shfaq në kinema, komedia e drejtuar nga Greta Gerëig ka fituar 537.5 milionë dollarë në biletat e Amerikës së Veriut, duke kaluar edhe “The Dark Knight”, raporton Variety.
Filmi “The Dark Knight”, fitues i Çmimit Oscar, i lëshuar në fundjavën e njëjtë në korrik të vitit 2008, pati fituar 536 milionë dollarë nga kinematë në SHBA.
Kalorësi i errët arriti në total 533.3 milionë dollarë në shitjet e biletave të brendshme dhe 1.003 miliardë dollarë në mbarë botën, sipas Box Office Mojo – por Barbie gjithashtu ka mposhtur në këtë drejtim, duke u ulur në një total global prej 1.19 miliardë dollarë deri më tani.
Por, ky nuk është rekordi i vetëm që është thyer nga Barbie. Ky film e ka tejkaluar edhe suksesin e filmit Captain Marvel të vitit 2019.
Barbie, me aktoren Margot Robbie në rol kryesor, ka fituar më shumë se 1 miliard dollarë nga shitjet e biletave në gjithë botën, duke i thyer të gjitha rekordet e filmave që janë realizuar nën regjinë e grave.
Gerëig, 40 vjeç, është bërë gjithashtu regjisorja femër me fitimet më të larta të një filmi live-action në arkat globale, sipas The Hollyëood Reporter. Shitjet e Barbie kaluan në krye të atyre të Captain Marvel të 2019-ës, i cili u drejtua nga Anna Boden.
Ndërsa aktorja Margot Robbie, e cila është edhe producente e filmit, pritet t’i fitojë rreth 50 milionë dollarë nga filmi, falë shitjeve të biletave dhe përfitimeve shtesë nga kompania që e shpërndan atë.
