Pika e marrë ndaj Shqipërisë nuk ka kënaqur as kampin letonez.
Për trajnerin, Paolo Nicolato, performanca në fushën e lojës ishte e mirë, teksa shtoi se ka hapësirë për t’u përmirësuar në ndeshjet e ardhshme.
Italiani e cilësoi kombëtaren kuqezi si një ekip të fortë në grup.
“Nuk jam i kënaqur me pikën, por me performancën tonë. Pika është thjesht rezultat i punës që bëmë. Mendoj se në përgjithësi patëm shanse të mira në këtë ndeshje. Në grupin tonë janë tre ekipe shumë të forta. Detyra jonë është të luajmë sa më mirë të jetë e mundur. Patjetër që kemi ende hapësirë për të përmirësuar performancën tonë.
Jam i sigurt se do të bëhemi gjithnjë e më të mirë kur të jemi të armatosur me vetëbesim të shtuar. Luajtëm shumë mirë për gjashtëdhjetë minuta, me një fazë të mirë sulmesh, pa pasime të gjata. Por mund të bëjmë edhe më mirë”, është shprehur trajneri i Letonisë, Paolo Nicolato.
Pas 3 takimeve në grupin K kualifikues të Botërorit 2026, Letonia ndodhet në vendin e katërt me 4 pikë.
Klan News
