Njeri prej banorëve pjesë e protestës që po zhvillohet këtë të enjte për prishjen e banesave në zonat e Laprakës, Pakuqanit, Kodrës së Priftit dhe “ 5 Majit” në një prononcim për mediat teksa protestuesit ndodheshin para ambasadës amerikane i është drejtuar ambasadores Yuri Kim duke i thënë se kërkojnë të trajtohen si shtetas amerikanë në Shqipëri dhe se duan të jetojnë me dinjitet.
“Kërkojmë nga ambasadorja Kim që të ketë reflektim nga parlamentarët që marrin ligje të gabuara. Të na trajtojnë njëherë të vetme si shtetas amerikan në Shqipëri, zonja Kim kërkojmë dinjitet, kërkojmë të jemi të denjë edhe ne të themi “o sa mirë me qenë shqiptar” dhe jo “sa mirë me qenë amerikan”. Kërkojmë ndihmën tuaj zonjë. Kërkojmë sërish ndihmën tuaj.”, tha një qytetar.
Pasi qëndruan para ambasadës së SHBA, protestuesit tashmë po zhvendosen drejt selisë së BE. Ata kërkojnë që t’i japin zë kauzës së tyre./Opinion.al
