Kryeministri Edi Rama, në mbledhjen me kryebashkiakët e vendit tha se ka ardhur koha të kryehen investime në rrugën e Komanit.
Ai tha se Liqeni i Komanit ndotet vazhdimisht nga persona të papërgjegjshëm dhe kjo sipas tij nuk mund të vazhdojë.
“Pastrimi është më mirë se sa vjet, por përsëri duhet bërë më shumë. Jam bërë bajat duke sjellë si shembull bashkinë e Lezhës. Është pasqyrë pastërtie, ndërkohë që është bërë progres gjithandej. Liqeni i Komanit pastrohet çdo dy javë, por kjo histori që banorët hidh dhe ushtria pastro, nuk mund të vazhdojë. Do të investojmë edhe rrugën e Komanit se ka ardhur koha, por liqeni i mbushur çdo dy javë me mbeturina kjo nuk mund të vazhdojë”, tha Rama.
