Banorët e Zharrëzit të cilët po protestojnë aktualisht përpara Ministrisë së Energjetikës, kanë kërkuar plotësimin e kushteve të tyre. Ndërkohë 7 prej përfaqësuesve të tyre janë thirrur në takim nga Ministri.
Kësaj proteste i janë bashkuar edhe përfaqësues të opozitës. Mësohet se pranë protestuesve ka mbërritur edhe zv kryeministri Niko Peleshi.
Më shumë se 40 persona kanë marshuar në këmbë nga Patosi në Tiranë.
Ata prej kohësh janë duke protestuar për shkatërrimin e banesave të tyre nga ana e shpërthimeve të kompanisë Bankers, por deri më tani nuk kanë gjetur zgjidhje nga qeveria. /opinion.al
