SHKODËR- Policia, RENEA, FNSH janë në kërkim të autorit të vrasjes së dy vëllezërve në Postribë të Shkodrës. Edhe pse është njoftuar gjatë ditës se policia ka lokalizuar vendndodhjen, dita e dytë e kërkimeve mbyllet pa rezultat. Duket se autori avancon shumë krahasuar me policinë.
Terreni i thyer dhe reshjet kanë qenë në disfavor të policisë. Për herë të fundit ai është parë në fshatin Mazrek. Banorët i kanë thënë policisë se kanë parë një person me armë në krahë. Gjatë ditës ata janë zhvendosur në zonën e Mazrekut të ish-Komunës Shllak, ku në orët e paradites është parë të lëvizë 30-vjeçari Esat (Aleksandër) Dushaj.
Ndërkohë gjatë aksionit janë kryer 8 kontrolle banesash të braktisura dhe 5 kontrolle banesash të banuara, por pa asnjë rezultat.
Nga ana tjetër mësohet se 30 vjecari Dushaj është një njohës i mirë i gjithë kësaj zone dhe paraqet rrezikshmëri pasi është i armatosur dhe mund ti kundërpërgjigjet policisë.
Paraditen e 2 Janarit Esat Dushat vrau dy vëllezërit, Abdulla dhe Skender Shkambi në Postribë të Shkodrës pasi nuk i dhanë vajzën për grua.
