Ofruesi më i madh i telekomunikacioneve në Gaza, Paltel ka raportuar se rrjetet e internetit dhe telefonit janë ndërprerë në të gjithë Rripin e Gazës – ndërprerja e dytë në javën e kaluar.
Tani monitoruesi i rrjetit global Netblocks konfirmon që Gaza “është në mes të një ndërprerjeje të re të internetit me ndikim të madh për operatorin e fundit të madh të mbetur, Paltel”.
Ndërsa forcat e Mbrojtjes së Izraelit (IDF) në një komunikatë të fundit ka thënë se kanë goditur mbi 11,000 objektiva që u përkasin “organizatave terroriste” në Rripin e Gazës që nga fillimi i luftës me Hamasin më shumë se tre javë më parë.
Ushtria izraelite ka përditësuar listën e saj të ushtarëve, të cilët u vranë në luftën e vazhdueshme me Hamasin. Sipas Izrealit, numri i të vdekurve tani është 326, përfshirë 11 ushtarë që vdiqën në Gaza të martën. Ushtarët ishin të gjithë të moshës nga 19 deri në 20 vjeç./Opinion.al
