3400 shtëpitë do të ndërtohen brenda këtij viti. Kështu është shprehur Ministri për Rindërtimin Arben Ahmetaj në emisionin “Opinion”, lidhur me banesat e dëmtuara për shkak të tërmetit të 26 Nëntorit. Duke iu përgjigjur pyetjes së një qytetari, Ahmetaj tha:
“Ne kemi filluar punë për rindërtimin. 3400 shtëpitë do të ndërtohen brenda këtij viti. Ne nesër fillojmë në të gjithë zonën e dëmtuar me shkollat. Sot që flasim po bëhen projektet e detajuara të banesave kolektive. Puna fillon në fund të qershorit maksimumi në mes të korrikut, ndërsa puna për njësitë individuale, menjëherë javës që vjen hidhet sërish për prokurim”./Opinion.al
