Autoritetet italiane kanë shkatërruar një grup kriminal që angazhuar në grabitje të shumta, duke çuar përpara ligjit 23 persona, 18 prej të cilëve në burg, 3 në arrest shtëpiak dhe dy në detyrim me paraqitje. Në organizimin e operacionit “Vampiri” u përfshinë 150 policë me mbështetjen e një helikopteri.
Midis të arrestuarve është edhe një shqiptar i kërkuar për krime të tjera, Eduard Alini, ndaj të cilit kishte një urdhër dëbimi nga Italia.
Grupi përbëhej nga individë nga grupe të ndryshme etnike, ku pjesa më e madhe ishin shqiptarë, banues në Stradella, por edhe kosovarë, rumunë dhe moldavë.
Grupi në shumë raste ishte edhe i dhunshëm, dhe në disa raste u kanë shkaktuar dëmtime të moshuarve, viktima më të thjeshta për t’u sulmuar dhe vjedhur, siç është rasti i 15 majit 2017 në Vergomberra, ku dy të moshuar me aftësi të kufizuara u dhunuan nga banda, ndërsa më 27 mars në Costa de ‘Nobili, viktimat u goditën me gurë për 100 euro plaçka. Kaçavidat ishin kryesisht armët e tyre.
Përveç këtyre krimeve, megjithatë, pjesa më interesante e veprimtarisë së tyre kriminale janë kryer pa dyshim në butikë të ndryshëm duke vjedhur veshje dhe aksesorë.
Të paktën tre episode janë regjistruar me një ngarkesë prej më shumë se 100 mijë euro, si dhe vjedhje të shumta të kryera në banesa private.
Hetimet ndaj grupit nisën në shkurt të vitit të shkuar, pas grabitjeve të shumta në zonë Pavese, ku janë konstatuar të paktën 132 krime që u atribuohen anëtarëve të grupit.
