Një bandë e përbërë nga shqiptarë që ushtronte aktivitetin në Spanjë ka rënë në prangat e policisë vendase pasi dyshohen për aktivitetin e tyre kriminal të vjedhjes. Sipas mediave vendase banda mendohet se ka realizuar të paktën 200 vjedhje.
Pre e grabitjes së bandës mësohet se ka rënë edhe kapiteni i Atletiko Madrid, Gabi Fernandez, të cilit iu grabit në banesë një orë, veshje dhe xhaketë me vlerë 10 mijë euro.
Në prangat e policisë kanë rënë 5 persona, të cilët po bëheshin gati të ktheheshin në Shqipëri.
Sipas policisë spanjolle, janë arrestuar 5 persona, pjesëtarë të bandës, të cilët janë vënë në pranga pak para se të vinin në zbatim planin për të shkuar në Shqipëri.
Deri më tani nuk bëhet i ditur identiteti i personave të arrestuar, ndërsa mësohet se i përkasin moshave nga 21 deri në 47 vjeç.
