Shtate shqiptarë janë dënuar me burg nga gjykata në Britaninë e Madhe, për trafik të lëndëvë narkotike. Ata janë, Gentian Cuka, 38 – vjeç, Skënder Toçi, 36 – vjeç, Mentor Muslika, 33 – vjeç dhe Besnik Mansaku, 42 – vjeç, Abdul Topçiu, 41 – vjeç, Urim Serini, 44 – vjeç dhe Hirushe Tobli, 24 – vjeç. Organet e drejtësisë britanike ka dhënë në total për bandën e shqiptarëve, mbi 40 vite burg.Mbi shqiptarët ka rënë edhe akuza e krimit të organizuar. Ata ktryenin aktivitetin kriminal në disa zona në Londër. Policia britanike ra në gjurmët e shqiptarëve vitin e shkuar dhe në muajin Maj, arriti t’i arrestonte. Nën cilësinë e provës materiale u sekuestruan 16 kg drogë, e llojit kokainë.
Sipas mediave britanike, Gentian Cuka ishte udhëheqësi i grupit. Ai u dënua nga gjykata me 10 vjet e 4 muaj burg.
Pjesa tjetër e bandës së shqiptarëve u dënua me 7 vite e disa muaj heqje lirie. Një tjetër shqiptar, bashkëpunëtor i grupit, Urim Serini, u dënua me 3 vjet e 4 muaj pasi iu gjet 1 kg kokainë, gjatë kontrollit të policisë. Mediat britanike thane se për Mentor Muslikën, njëri prej pjesëtarëve të grupit, nuk është dhënë ende dënimi. Gjatë kontrollit nga policia, atij iu gjetën reth 12 stërlina ‘cash’.
Pjesë e bandës së shqiptarëve ishin të paktën edhe dy shtetas të huaj, si edhe një grua, shqiptarja Hirushe Tobli, 24 – vjeç. Kjo e fundit u dënua me 8 muaj burg, për dokumentacion të falsifikuar.
Tv Klan
