Balotelin e duan të gjithë…

Javët e fundit, sulmuesi i Milanit, Mario Baloteli ka marrë elozhe nga presidenti Berluskoni dhe Adriano Galiani të cilët synojnë ta mbajnë në Milano.
Sulmuesi italian po luan me “pikatore”, por as trajneri Mihajloviç nuk i kurset fjalët pozitive për ” SuperMarion”.
“Kam qenë unë që e kam kërkuar tek Milani, pasi nuk e kam vënë kurrë në dyshim potencialin e Balotelit”.
“Është rikthyer nga një dëmtim që e mbajti larg fushave të blerta për 3 muaj dhe deri tani po ecën mirë”. “E ardhmja e tij varet nga vetë sulmuesi, por mendoj se Milanit i shërben”, deklaron Mihajloviç.
Liverpuli kërkon 7 milionë euro për kartonin e sulmuesit italian, ndërsa Balo ka edhe disa muaj në dispozicion për të treguar se blerja e tij vlen. /Sportal