Në 14 mars do të hapet për qarkullimin e automjeteve tuneli i Murrizit, vepra më e rëndësishme e Rrugës së Arbrit.
Lajmi është bërë i ditur nga zëvendëskryeministrja njëherësh ministrja e Infrastrukturës dhe Energjisë, Belinda Balluku në një inspektim në këtë tunel.
Ajo tha se po punohet për detajet e fundit, si dhe për hedhjen e shtresave asfaltike për rrugën dalëse të tunelit.
“Dua t’ju bëj me dije të gjithë qytetarëve të interesuar se me datë 14 Mars sipas të gjitha gjasave tashmë është koha për ta deklaruar një datë, ne do të hapim tunelin e Murrizit për akses të gjitha automjetet dhe drejtuesit e automjeteve në drejtim të Tiranës dhe atë të Dibrës dhe ndërkohë vazhdojmë të punojmë me tunelin ndihmës i cili është pjesë e këtij projekti”, tha Balluku.
