Zëvendëskryeministrja, Belinda Balluku ka zhvilluar një takim me Princin e Kurorës, Sheikh Abdullah bin Zayed Al Nahyan, Ministri i Punëve të Jashtme të Emirateve të Bashkuara Arabe.
Lajmin e bëri të ditur përmes një postimi në rrjete sociale, ku shkruan se kanë diskutuar mbi marrëdhëniet dhe forcimin e mëtejshëm të bashkëpunimit mes dy vendeve tona në fusha të ndryshme.
Balluku thekson se energjia dhe klima janë gjithashtu dy sektorë të rëndësishëm ku ka hapësirë dhe vullnet për të bashkëpunuar më ngushtësisht mes Shqipërisë dhe Emirateve të Bashkuara edhe në kuadër të COOP 28.
Ajo thotë se në fokus të diskutimit kanë qenë edhe projektet konkrete me rëndësi strategjike jo vetëm për Shqipërinë por edhe për rajonin.
“Abu Dabi, me Princin e Kurorës, Sheikh Abdullah bin Zayed Al Nahyan, Ministri i Punëve të Jashtme të Emirateve të Bashkuara Arabe disktuam mbi marrëdhëniet dhe forcimin e mëtejshëm të bashkëpunimit mes dy vendeve tona në fusha të ndryshme, ekonomi, turizëm, inovacion, infrastrukturë, si dhe zhvillimin dhe shkëmbimin e praktikave qeveritare.
Energjia dhe klima janë gjithashtu dy sektorë të rëndësishëm ku ka hapësirë dhe vullnet për të bashkëpunuar më ngushtësisht mes Shqipërisë dhe Emirateve të Bashkuara edhe në kuadër të COOP 28. EBA është një vend partner që na ka mbështetur në vijimësi. Më tej kemi diskutuar projekte konkrete me rëndësi strategjike, jo vetëm për Shqipërinë , por dhe për rajonin , në prani dhe të Reem bint Ibrahim Al Hashemy, Ministre për Bashkëpunim Ndërkombëtar, dhe Mohamed Hassan Al Suwaidi, Ministër i Investimeve të Emirateve të Bashkuara Arabe.
Muajt në vazhdim do të jenë shumë premtues dhe mezi pres të ndaj me publikun vendimet që kemi marr gjatë kësaj vizite në Emiratet e Bashkuara Arabe”, shkruan Balluku./Opinion.al
