Sekretari i Përgjithshëm i Partisë Demokratike Gazment Bardhi thotë se janë me mijëra qytetarë të bllokuar në akset kombëtare si pasojë e reshjeve të dëborës.
Duke ironizuar një video të ministres Balluku nga borëpastruesja, Bardhi thotë se borëpastrueset numërohen me gishtat e dorës.
“Me mijëra qytetarë janë bllokuar në rrugët kombëtare në të gjithë Shqipërinë. Edi Rama na kishte premtuar se ka në dispozicion 500 borëpastruese, por, si gjithmonë, ai gënjen dhe dështon. Borëpastrueset numërohen me gishtat e dorës në të gjithë vendin dhe dalin vetëm për të ndihmuar Taualant Ballën ose Belinda Ballukun të bëjë ndonjë video propagandistike për të na thënë se kjo ishte një dëborë që bie 1 herë në 100 vjet. Makinat kanë ngecur në rrugë në Librazhd, sepse rruga është e bllokuar prej disa orësh. Teatri i Taulant Ballës dhe i Edi Ramës nuk i ndihmon njerëzit. Ata i lanë qytetarët në baltë në këtë të ftohtë të acartë”, shkruan Bardhi në Facebook.
Duke e cilësuar propagadë gjithçka që Kryeministri ka deklauar lidhur me çështjet e mirëmbajtjes së rrugëve, Bardhi thotë se kjo propagandë na kushton çdo vit 50 milionë euro.
“Propaganda me rrugët e Edi Ramës, Taulant Ballës dhe Belinda Ballukut na kushton çdo vit rreth 50 milionë euro vetëm për mirëmbajtjen e rrugëve. Kur qytetarët kanë nevojë, Edi Rama zhduket, njësoj siç zhduken milionat e taksave të qytetarëve. Me Edi Ramën kemi ngecur në vendnumëro, njesoj si mijëra njerëz kanë ngecur sot në rrugët e bllokuara! Duhet të ndryshojmë”, shkruan ai./Opinion.al
