Zëvendëskryeministrja Belinda Balluku ka inspektuar sot punimet në kantierin ku po ndërtohet nënstacioni i ri elektrik i Velipojës.
Sipas Ballukut në vëmendje janë sidomos zonat turistike.
“Gjithë fokusi është në zonat turistike pa përjashtuar sigurisht dhe Tiranën që ka gjithë vëmendjen…”
Gjatë një inspektimi në kantierin ku po ndërtohet nënstacioni i ri elektrik i Velipojës, Balluku tha se të tilla investime pritet të ulin edhe humbjet në rrjet.
“1 Janari 2025 duhet të na gjejë, pikërisht për shkak të këtyre investimeve të mira që ne po bëjmë sot, me 17.93% humbje teknike, krahasuar me 45% të vitit 2013. Një ndryshim i jashtëzakonshëm në këtë dekadë”.
Nënstacioni i ri i Velipojës do të ketë kapacitete disafish më shumë se nënstacioni aktual.
