Protesta e naftëtarëve në qytetin e Ballshit ka vijuar edhe gjatë ditës së sotme, ku përgjatë dy orëve përpara Rafinerisë ata kanë kërkuar të drejtat e tyre në punë dhe pagesën për 10 muajt e shkuar. Por edhe pse protestat vazhdojnë prej disa muajsh, madje në disa ditë ato u zhvendosën edhe në kryeqytet, duket se askush nuk ka një përgjigje për fatin e qindra punonjësve të Rafinerisë së Ballshit, jeta e të cilëve varet pikërisht nga nafta dhe kjo industri.
Pas problemeve financiare, kompania Azerbajxhanse që menaxhonte Rafinerinë u tërhoq, duke e lënë pezull fatin e njërës nga industritë më fitimprurëse për ekonominë.
