Duke folur në përfundim të mbledhjes së grupit të PS, kryetari Taulant Balla tha se mazhoranca nuk kërkon që të mbyllet protesta me plotësimin e 8 kërkesave. Sipas tij, qëllimi është të reformohet sistemi i arsimit të lartë.
Në deklaratën për mediat, Balla u shpreh se “qendrimi ynë është shumë i qartë. Nuk duam që kjo protestë të mbyllet. Ne e konsiderojmë këtë një moment të rëndësishëm për të thellluar një reformë të shumëanshme të arsimit në tërësi”.
Më tej ai tha se “ne nuk e konsiderojmë mbylljen e protestës, që u paraqitën 8 pikat dhe hajde të ikim të hamë gjelin e detit në shtëpi. Është e njëjta praktikë e njëjta lojë, që këto çështje nuk u zgjodhën. Ne nuk bëhemi pjesë e këtij skenari të tallemi me kërkesat e studentët. Ajo që është e rëndësishëm është dialog me studentët, për të tejkaluar 8 pikat, se 8 pikat nuk e zgjedhin situatën të arsimit të lartë”.
