Drejtuesi Politik për Diasporën në Partinë Socialiste, Taulant Balla u takua me emigrantët shqiptarë në Kozani të Greqisë.
Në kuadër të turit politik dhe informues për procesin e regjistrimit në platformën e KQZ-së, për zgjedhjet e 11 Majit, Balla tha para emigrantëve se Shqipëria kërkon angazhimin e të gjithëve në rrugën drejt anëtarësimit në BE.
“Ende në diasporë ka një numër shumë të madh të bashkatdhetarëve tanë që duhet të regjistrohen dhe duhet të votojnë. Është shumë e rëndësishme që të trokasim derë më derë.
Momenti historik në të cilin ndodhet Shqipëria kërkon angazhimin e të gjithëve në rrugën drejt anëtarësimit në BE në mënyrë që ta shohim veten jo pas Greqisë por krah saj”, tha Balla ndër të tjera.
